كلام حب رومانسي جدا ,
نقول حبيبتي ولا قديمة .
ولا نقول دارلنج .
ولا تيجي نخلي البساط احمدي ونقول يا حبة عيني أو يا نضري .
ما تيجي بقي نعمل شوية كلام حلوين ونبيعهم للناس اللي عايزين يقولوا كلام حلو ومش لاقيين لعلمك ده مشروع هايل .
نقعد انا وانتي بس انا ابص لعنيكي واكتب ابص لجمالك وارسم اتوه في عنيكي واقعد اكتب شعر لحد الصبح .
ولما نصبح الصبح بقي نبقي نفرق اللي احنا عملناه طول الليل بين الناس علشان الناس كلها تحب بعضها .
أصل بصراحة جمالك يفتح النفس .
طب ايه رأيك انا عايز افتح مشروع اجمل .
نفسي اخد شوية الورد اللي على خدودك وافتح محل ورد ولا اقولك افتح سوبر ماركت واقطف التفاح اللي على خدودك والكريز اللي على شفايفك وابيعهم بالواحدة ولا انتي مش هترضي تديني التفاح ابيعه .
حبيبتي :-
على فكرة انا مش بعرف اقول كلام حب .
لكن بحبك .
بحب فيكي شعرك الحرير اللي كل ما اشوفه احس اد ايه جمالك منور فوق الدنيا دي وكأنك أجمل انسانة فى الدنيا وعينيا مش شايفة انسانة تانية غيرك على الارض .
مش بعرف اوصف عينيكي لكن حاسس ان عنيكي دنيا تانية مش عارف ليه بتوه فيهم تقوليش نزلت امريكا .
فيها حاجات كتير بتاخدني لبعيد بعيد ابعد من البرازيل .
مش قادر اوصف جمالك لكن حسيت بيه بيكهربني وكأني واقف جنب عمود كهراباء .
كل ما اقرب منك بيشدني وكأنة ريح قوية اقوي من العاصفة وانا مش قادر اقاومها .
مش عارف اوصف جمالك ورقتك وخدودك وشافيفك ورموشك بصراحة مش قادر اوصف جمالك .
بصراحة حاسس ان مافيش كلام حلو نزل لحد الان اوصف بيه جمالك .
يمكن ينزل السنة الجاية كلام اقدر اوصفك بيه .
روح قلبي :-
أكتر من ده كلة اني بقيت افكر فيكي بصورة فظيعه ليل ونهار تقوليش مديناني بعشرة جنية .
واللي اكتر من كده بكتير صورتك اللي بقت ما بتفارقنيش لحظة واحد صورتك اللي بقت بتخليني مش بعرف انام .
ده حتي لما بطفي النور بشوفك اصاد عيني تكونيش صورة فسفورية بتبان فى الضلمة .
نور عيني :-
انا بكلمك بطبعتي لأني لسه شاري طبيعة جديده وحاططها في جيبي .
عشان عايزك تشوفيني على حقيقتي عشان لسه مشتري حقيقة جديده وواقف عليها .
ملهمتي :-
حقيقي جمالك سهرني وحبك خسرني ( اسف حيرني ) والبعد عنك دمرني وعايز اشوفك بقي عشان رجلي ورمت ومن كتر الوقفة .
اميرتي :-
اد ايه من عمري فات
وانا بستني في الالوهات
حني شوية بمزد صغير
قلبي عشان حبك اتحير
اوعي تقولي الرقم اتغير
فى الاندكس كل الالوهات
sief elmagic
اليومية